नारळाच्या पोळ्या
🍒🥬🍎🫐🫐🍇🥦
प्रत्यक्षात लागणारा वेळ:
३० मिनिटे
लागणारे जिन्नस:
पारीसाठी:
१ मेझरींग कप कणिक, किंचीतसे मीठ, चमचाभर तेलाचे मोहन
सारणासाठी:
१ मेझरींग कप खवलेला नारळ / नारळाचा चव
१ मेझरींग कप पंढरपुरी डाळ्याचे अगदी बारीक केलेले पीठ
३/४ मेझरींग कप पीठीसाखर
स्वादासाठी वेलची पूड, थोडे केशर
खमंग काकडी रायता…
🥦🫐🍎🍇🥬🥬
प्रत्यक्षात लागणारा वेळ:
१५ मिनिटे
लागणारे जिन्नस:
साहित्यः-
कोवळ्या काकड्या,
घट्ट ताजे दहि,
साय,
सैंधव मीठ,
फोडणीची मिरची (ठेचुन / मिक्सर मधुन काढुन घेणे),
सजावटी साठी डाळिंबाचे दाणे.
क्रमवार पाककृती:
क्रुती:-
काकड्या छान कोचवून घाव्या, फोडणीची मिरची (ठेचुन / मिक्सर मधुन काढुन घेणे)
एका मोठ्या बाऊल मधे घट्ट दहि छान फेटुन घ्यावे व त्यात साय, सैंधव मीठ चांगले मिसळुन घेणे.
कोचवलेली काकडी त्यात घाला, ठेचुन घेतलेली फोडणीची मिरची घाला आणि शेवटी डाळिंबाचे दाणे घालून सजवा.
वाढणी/प्रमाण:
२ जणांसाठी ३ काकड्या घाव्यात.
अधिक टिपा:
ठेचुन घेतलेल्या फोडणीच्या मिरचीमुळे एक छान चव येते. सैंधव मीठ असल्यामुळे पाचकही आहे. वाट्लंच तर चाट मसाला हि घालु शकता. पुलाव, बिर्याणी असेल तर जोडीला ऊत्तम.
ओव्याची भजी/पराठे
🫐🍒🥦🍇🍇🍎🍎🥬
प्रत्यक्षात लागणारा वेळ:
५ मिनिटे
लागणारे जिन्नस:
भजी – ओव्याची पाने, डाळीचे पीठ, मीठ, हळद, तिखट, चिमूटभर सोडा, पीठ भिजवायला पाणी, तळण्यासाठी तेल
पराठे – कणिक, डाळीचे पीठ, तांदुळाची पिठी, तेल, हळद, तिखट, मीठ, तीळ
क्रमवार पाककृती:
गोळवलकरकाकूंकडे गेले होते. डवरलेला हिरवागार बगीचा! रमाशी गप्पा मारत बसले होते. ‘जाताना ओव्याची पानं घेऊन जाशील गं भजी करायला’ काकूंचा प्रेमळ आदेश. पाने तर खुडली पण भजी कशी करायची हे कुठे माहित होते अर्थात काकुंनाच पाकृ विचारली. अगदी सोप्पी कृती. घरी येऊन लगेच करायची ठरवलं. वरूणराजालाही मनापासून साथ द्यावीशी वटली म्हणूनच की काय सतत दोन दिवस पडूनही त्याला विश्रांती घ्यावाशी वाटली नाही. मनात ठरवल्याप्रमाणे घरी येऊन लगेच केली. घरच्यांनी आश्चर्याने तोंडात बोटे घालण्याऐवजी भजी घातली. असो! भजी अप्रतिम लागतात.
कृतीः नेहमीप्रमाणे डाळीच्या पीठात पाने घोळवून भजी तळून गरमागरम सॉस बरोबर खावी
उरलेली पाने व मिरच्या वाटून पीठांमध्ये मिसळून पालकपराठ्याप्रमाणे पराठे तीळावर लाटून शेकावे. वेगळ्या पण छान चवीचे पराठे!
स्वयंपाक घरासाठी 166 टिप्स
१. हाताला किंवा पाटा-वरवंट्याला येणारा मसाल्याचा वास जावा म्हणून त्यावर कच्चा बटाटा किंवा लिंबू चोळा.
२. पुरीसाठी पीठ मळताना त्यात थोडं दूध व बेसन मिसळा. पुर्याि खुसखुशीत बनतील.
३. मसालेदार पदार्थांची करी घट्ट करण्यासाठी त्यात तिळाच्या पेस्टचा वापर करा.
४. डोसा कुरकुरीत करण्यासाठी त्यात पोह्याचा चुरा मिळसा.
५. दूध उकळण्यापूर्वी पातेल्यात थोडं थंड पाणी घाला. दूध खाली लागणार नाही.
६. हिरव्या पालेभाज्या लोखंडी कढईत शिजवा. त्यात लोहाचे प्रमाण वाढते.
७. डाळिंबीची उसळ शिजत असतांनाच जर त्यात थोडेसे दूध घातले तर डाळिंबया आख्या राहतात व त्यांचे शिजून मेन होत नाही,तसेच डाळिंबया शिजाण्यापूर्वीच जर त्यात गूळ किंवा साखर घातली तर त्या दाठरतात व चांगल्या लागत नाहीत.
बिना साखरेचे पौष्टिक लाडू(डायबिटिस वाले पण खाऊ शकतात)
साहित्य_: खोबरे,डिंक, आळीव,काजू,बदाम,खारीक पावडर, खस खस,सुंठ पावडर, काळे मनुके,थोडी मिल्क पावडर,थोडाच गुळ,वेलची व जायफळ पूड (हे सर्व डिंक लाडू चे साहित्य) तूप
पीठ_: मुगाचे,नाचणी,बेसन,कणीक,तांदूळ ही सर्व पीठ
कृती_: ही वरील सर्व पिठे तुपात खमंग भाजून घेणे.
डिंक तळून घेणे,खारीक बदाम,काजू,खोबरे, खसखस,आळीव भाजून घेणे. गार झाल्यावर वरील सर्व एकत्र करून, तूप कोमट करून ह्यात घालून मिक्सर वर बारीक करून लगेच लाडू वळणे…मस्त टेस्टी लागतात….😋😊👍
(डायबिटीस वाले तर खाऊच शकतात.गुळ अगदी नकोच असेल तर काळे मनुके,खारीक पूड जास्त घाला)…😊
रानभाजी चिवळ
चिवळच्या भाजीला वेगवेगळ्या भागात वेगवेगळ्या नावाने ओळखले जाते जसे की रानघोळ, भुईचौली, खाटेचौनाळ, चिवळी, लहान घोळ व छोटी घोळ इ.चिवळ ही रानभाजी ओलसर, पाणथळ जागेत शेतात व बागेत तण म्हणून वाढते
लागणारे साहित्य
1) एक अर्धा किलो चिवळची भाजी,
2)अर्धा वाटी बेसण
3)2 कांदे मध्यम आकारात चिरलेले,
4)तेल, तिखट, हळद, मीठ, जिर, मोहरी (आपल्या अंदाजानुसार)
कृती
1) सर्वप्रथम चिवळची भाजी नीट निवडून घ्या. अगदी पानं पानं घ्यायची गरज नाही. पण त्याची सगळी मूळं काढून फक्त कोवळे बारीक बारीक पाने ठेवा.
2) नंतर ही भाजी स्वच्छ पाण्याने धुवून घ्या. धुतल्यावर थोडी कोरडी करून नंतर बारीक चिरून घ्या.
3) कढईत तेल टाकुन जिर मोहरीची खरपुस फोडणी घाला नंतर त्यावर बारीक चिरलेला कांदा घालून तो मस्त मऊ होईपर्यंत शिजू द्या कांदा शिजत आला की मग त्यावर तिखट मिठ हळद घालुन थोडा ठसका गेला की मग चिरलेली भाजी त्यात टाकुन देऊन सगळी भाजी एकजीव करुन घ्या .
4) नंतर त्या भाजीत हळुवार बेसन सोडत जा बेसन टाकल्यानंतर भाजी चांगली हलवून घ्या आणि झाकण ठेवून भाजी. 5 ते 7 मिनिटे मंद गॅसवर शिजवुन घ्या. नंतर तुमची चिवळची भाजी तयार होते.
ही खरपूस भाजी तुम्ही ज्वारीची भाकरी किंवा पोळीसोबत घाऊ शकता.
रानभाजी – पेव च्या पानांची भजी
लागणारे जिन्नस:
पेवची कोवळी पाने
बेसन १ वाटी
पाव चमचा हिंग
१/२ चमचा हळद
१ चमचा लाल तिखट
थोडी धना-जिरा पावडर (नसली तरी चालते)
गरजेनुसार मीठ
तळण्यासाठी तेल.
क्रमवार पाककृती:
वरील तेल व पाने सोडून सगळे साहित्य एकत्र करावे व थोडे थोडे पाणी टाकून इडलीच्य पिठाप्रमाणे पीठ भिजवावे. त्यात धुतलेली पाने बुडवून घ्यावीत.
बुडवलेली पाने गरम तेलात सोडावीत.
टाकळ्याची भाजी रानभाजी
पाककृती –
कृती १- फुले येण्यापूर्वीची कोवळी पाने भाजीसाठी वापरावीत.
साहित्य – कोवळी पाने, कांदा, ओली मिरची, तेल, आले, मीठ, ओले खोबरे, हळद, गूळ इ.
कृती – पाने स्वच्छ धुऊन, पाणी गळून जाऊ द्यावे. कढईत तेल टाकून कांदा परतून घ्यावा, मग त्यात ओली मिरची व हळद टाकावी. नंतर त्यावर बारीक चिरलेली भाजी टाकून ती वाफेवर शिजू द्यावी. भाजी शिजत आली, की त्यात थोडा गूळ आणि मीठ घालावे. त्यावर ओले खोबरे घालावे. या भाजीत भिजवलेली तूरडाळ किंवा फणसाच्या आठळ्यांचे बारीक तुकडे ती शिजत असताना टाकल्यास भाजी अधिकच चवदार बनते.
शेपूचे पराठे आणि थालिपीठ
शेपू ह्या पालेभाजीमध्ये भरपूर पोषणमूल्ये असल्याचे आहारतज्ञ आग्रहाने सांगतात. पण शेपूला जो एक विशिष्ट वास येतो तो इतर अनेकांप्रमाणे आम्हालाही आवडत नाही. मग ह्या शेपूचं करायचं तरी काय ? 🤗
काल भाजीवाल्याकडे ताज्या हिरव्यागार शेपूच्या जुड्या दिसल्या. त्यातली एक जुडी घरी घेऊन आले. त्यातली अर्धी जुडी बाजूला काढून, सारखी करून, धुवून, बारीक चिरून रात्री पराठे केले. पोळ्या करायला घेतो तशाच प्रमाणात कणीक घेऊन त्यामध्ये घरातली दोन तीन पीठे – तांदुळाचे पीठ, मुगाचे पीठ आणि थालिपीठाची भाजणी प्रत्येकी एकेक टी स्पून घातली. त्यात शेपू आणि नेहमीचे यशस्वी कलाकार – हिंग, हळद, तिखट, मीठ, गोडा मसाला, धने जिरे पावडर आणि थोडासा ओवा घातला. आणि कणीक मळून पराठे केले. खुसखुशीत पराठा, त्यावर Utterly Butterly Delicious अमूल बटर, तोंडी लावायला टोमॅटो केचप आणि घरी केलेला सफरचंदाचा मुरांबा. (फोटू काढायचा राहिला.) शनिवारची निवांत रात सुफळ संपूर्ण व्हायला आणखी काय पाहिजे! 😊
आज सकाळी उरलेल्या अर्ध्या जुडीची थालिपीठे लावली. तोंडी लावायला घरी विरजलेलं घट्टमुट्ट गोड दही.
एनर्जी लाडू
भीम का लड्डू
अतिशय पौष्टिक आणि ताकद देणारे लाडू
करुन पहावे असेच
याने तुमच्या शरीरातील अशक्तपणा भरुन निघेल…आकाराला लहानच करायचे..आणि वरुन दूध प्यायले तर अतिउत्तम
यासाठी साहित्य घेतलेलं आहे
तेलबिया:- अक्रोड, बदाम, सूर्यफूल बी ,मगज बी, पिस्ता, काळे तीळ, खारीक पूड.. साधारणपणे सर्व पाव पाव वाटी
डिंक अर्धी वाटी, किसलेलं सुकं खोबरं दोन वाट्या,एक वाटी गव्हाचे पीठ, एक वाटी मुगाच्या डाळीचे पीठ,दिड वाटी गूळ आणि आवश्यक तितके तूप.